Ortnega ekonomalaš rámma mearriduvvo jahkásaš bušeahtain.

Mii vuoruhit doaimmaid mat:

• ovddidit Finnmárkkulága ulbmila
• sihkarastit ja áimmahuššat daid beroštumiid maid FeFo galgá fuolahit Finnmárkkulága vuođul
• nannejit sajádaga vuoigatvuođalaččaide FeFo-eatnamiin 
• ovddidit servodaga positiivvalaččat

Mii vuoruhit moadde stuorát prošeavtta jahkásaččat ovdal go máŋga smávva prošeavtta.

Geat sáhttet ohcat?

Buohkat geat sáhttet duođaštit návccaid čađahit doaimma/prošeavtta mii lea plánejuvvon.  Juohke prošeakta árvvoštallo konkrehtalaččat.  

Fitnodagaid ovttastupmi sáhttet ohcat doarjaga doaimmaide mat veahkehit ovddidit servodaga positiivvalaččat sihke báikkálaččat dahje regionálaččat.

Ohcamuš

Ortnet gulahuvvo buori áiggis ovdal ohcanáigemeari. Ohcamušat galget boahtit ovdal ohcanáigemeari. FeFo doarjja ii sáhte gártat eambbo go 30 proseantta doaimmaid njuolgga goluin (earret iežasárjabidjama).

Ohcamuš galgá sisdoallat:

• ollislaš bušeahta, mas iežasoassi/veahkkálasbargu ja vejolaš eará doarjjaruđat bohtet ovdan
• masa FeFo-ruđat galget geavahuvvot
• prošeavtta duohta goluid visogova oktan prošeavtta áigeplánain

Ohcanáigemearri

Njukčamánu 1. beaivvi

Gos mun ozan?

Giisá ohcanskovvi

Áššemeannudeapmi

Ohcamušaid mearrida FeFo stivra direktevrra evttohusa mielde. Ii leat makkárge váidalanvejolašvuohta dán mearrádusa hárrái.

Ohcamušat gieđahallojuvvojit čoahkis ja vástádus almmuhuvvo guhtta vahku maŋŋel ohcanáigemeari. Spiehkastagat stivračoahkkimiid čoahkkindáhtona dáfus.

Ovdal go máksit doarjaga de eaktuduvvo ahte doaibmabidju lea ollásit ruhtaduvvon.

Raporteren

Son gii lea ožžon doarjaga galgá addit eaŋkalis raportta oktan govaiguin mat čájehit doaibmabiju. Raporta galgá sáddejuvvot sisa nu jođanit go vejolaš čađaheami maŋŋil ja maŋimustá juovlamánu 1. beaivvi.

Lea vejolaš ohcat maŋidit ruđaid geavaheami ovtta jagin.

Ruđat mat eai leat geavahuvvon, dahje juos ruđat eai leat geavahuvvon ohcamuša ulbmilii lobi haga, galgá visot máksojuvvot ruovttoluotta.

Ruđat mat eai leat raporterejuvvon rehkenastojuvvojit geavakeahttájin ja galget máksojuvvot ruovttoluotta. 

Doarjaga čalmmustahttin

Son gii oažžu ruđaid galgá buot iežas diehtojuohkimis ja márkanastimis čalmmustahttit ahte mii leat dorjon doaibmabiju.