Ulbmil infrastruktuvraruđaiguin lea ahte dat galget leat veahkkin huksemis stuorát bistevaš infrastruktuvrra mii addá lassánan ássanmiela ja álbmotdearvvašvuođa, ja mii fas galgá buvttihit eanet doaimmaid ja árvoháhkama dakko bokte ahte dahká báikki/guovllu eanet geasuheaddjin mátkkoštanbáikin.
Doarjjavuoigaduvvon prošeavttat:
- Infrastruktuvra: Bistevaš láhčin johtaleapmái meahcis mii uhcimusat váikkuha eanadaga, nu ahte ii muosehuhte elliid eallima dahje mielddisbuvtte dárbbašmeahttun gollama eatnamis. Prošeakta ii galgga leat vuoigatvuođalaččaide ja árbevirolaš luonddugeavaheapmái vahágin.
- Stuorát kulturdoalut: Festiválat, konsearttat ja sullasaš doalut dihto sturrodagas. Doaibmadoarjja ii addojuvvo. Ortnega ekonomalaš rámma mearriduvvo jahkásaš bušeahtain.
Mii vuoruhat doaibmabijuid nugo:
- eanet eaktodáhtolašvuohta buorida
- eallinkvalitehta
- agaha báikki eanet geasuheaddjin ássanbáikin ja mátkkoštanbáikin ja oažžu olbmuid olggos
Ruhtadanrámma
- Ortnega ekonomalaš rámma mearriduvvo jahkásaččat bušeahtain.
- Doarjja FeFos ii sáhte leat eambbo go 30 proseantta doaibmabiju njuolggo goluin (mii mearkkaša ahte ii oaččo máksit iežasoasi)
Mii čalmmustahttit jahkásaččat moadde stuorát prošeavttaid dan sadjái go ollu smávit.
Geat sáhttet ohcat?
Gielddat dahje organisašuvnnat main lea dakkár struktuvra ja organiseren mii dahká ahte lea jáhkehahtti ahte organisašuvdna bissu guhkit áiggi. Sivvan dasa lea go ohcci galgá sáhttit áiggi mielde ortnegisdoallat siskkáldas struktuvrra ja rusttega, ja vejolaččat váldit eret siskkáldas struktuvrra ja rusttega jus eiseválddit gohččot dan dahkat. Organisašuvdna galgá leat registrerejuvvon Brønnøysund-registariidda ja das galgá leat ovddasvástideaddji stivra. Ohcci galgá sáhttit duođaštit čađahannávccaid.
Ohcamuš galgá sisdoallat:
- Buohkanas bušeahta, mas iežasoassi/veahkkálasbargu ja vejolaš eará doarjjaruđat bohtet ovdan
- Mo FeFo-ruđat galget geavahuvvot
- Prošeavtta duohta goluid visogova
- Buot almmolaš lobiid ja eanaeaiggáda lobi dokumentašuvnna, ja maiddái vuoigatvuođalaččaid julggaštusa/mieđáhusa ja dokumentašuvnna, mii čájeha ahte guoskevaš gielda lea positiivvalaš doaibmabidjui
- Áigeplána
Gos mun ozan?
Giisá liv og røre ohcanskovvi
Ohcanáigemearri
Njukčamánu 1. beaivvi.
Áššemeannudeapmi
Ohcamušaid dán ortnegis mearrida FeFo stivra direktevrra evttohusa mielde. Ii leat makkárge váidalanvejolašvuohta dán mearrádusa hárrái.
Ohcamušat gieđahallojuvvojit čoahkis, ja vástádusa oaččut dábálaččat guhtta vahku maŋŋil ohcanáigemear. Sáhttá leat spiehkastagat stivračoahkkimiid čoahkkindáhtoniid dáfus.
Ovdal go máksit doarjjaga, de eaktuduvvo ahte doaibmabidju lea ollásit ruhtaduvvon.
Raporteren
Son gii lea vuostáváldán doarjaga, galgá addit eaŋkalis raportta oktan govaiguin, mat čájehit doaibmabiju. Raporteren galgá sáddejuvvot sisa nu johtilit go vejolaš maŋŋil čađaheami, ja maŋimustá juovlamánu 1. beaivvi.
Lea vejolaš ohcat maŋidit ruhtageavaheami jagiin. Ruđat mat eai leat geavahuvvon, dahje jus ruđat leat geavahuvvon eará doaimmaide go ohcamuša ulbmilii FeFo lobi haga, de galgá doarjjaga máksit ruovttoluotta. Ruđat mat eai leat raporterejuvvon, rehkenastojuvvojit geavakeahttán ja galget máksot ruovttoluotta.
Doarjjaga čalmmustahttin
Doarjjaga vuostáváldi galgá čalmmustahttit ahte Giisá lea dorjon doaibmabiju.