Doarjjaannonssat ja arenarekláma

Hálddahus galgá dahkat šiehtadusa dákkáriid hárrái várrejuvvon supmi siskkobealde bušeahtas.

Doarjja eaŋkillágideaddjái ii galgga leat stuorát go 20.000 ruvnnu. Doalus galget earenoamážit mánát ja nuorat leat ulbmiljoavku.

Vuoittut main lea FeFo-logo

Mearkkašahtti oassi doaluid goluin leat vuoittut. Bušeahtas várrejuvvo jahkásaččat submi oastin dihtii vuoittuid main lea FeFo-logo, mat addojuvvojit lágideddjiide geain leat doalut maidda mánát ja nuorat oassálastet. 

Earret bálkkašumiid, de ostojuvvojit iešguđetlágan skeaŋkadávvirat, mat galget profileret FeFo.

Áššemeannudeapmi

Áššemeannudeapmi dáhpáhuvvá čálalaččat ohcamušaid vuođul, áinnas maŋŋilgo FeFo ja ohcci leat doallan ráhkkaneaddji dialoga.

Ohcamušas galgá bajásčuvgejuvvot, leago ohccojuvvon doarjja eará ruhtadangálduin.

Ortnega ekonomalaš rámma mearriduvvo jahkásaččat bušeahtain.

Sponsema/doarjaga ulbmil lea:

• profileret FeFo ja ráhkadit buorre beaggima
• doarjut organisašuvnnaid, joavkkuid ja servviid, ja ovttaskasolbmuid geat doaimmahit aktivitehtaid Finnmárkkulága ulbmila mielde

Eavttut mat deattuhuvvojit juolludeamis:

• aktivitehtat mánáide ja nuoraide miehtá Finnmárkku
• ahte doaibmabijut čalmmustahttet FeFo sponsorin/doarjjajuolludeaddjin
• aktivitehtat mat leat Finnmárkkulága ja FeFo plánadokumeanttaid juksanmeriid mielde
• aktivitehtat main leat oassálastit ja doaibmabijut sihke nieiddaide ja gánddaide

Organisašuvnnas leat veahkkevárit márkanastit FeFo fidnomáhtolaš vuogi mielde.

Doarjja ii addojuvvo stáhtalaš, fylkkagielddalaš ja gielddalaš institušuvnnaide/organisašuvnnaide dahje institušuvnnaide/organisašuvnnaide maid almmolaš eiseválddit eaiggáduššet.

Almmuheapmi

Ruđat ja vejolašvuođat almmuhuvvojit duššefal FeFo neahttasiiddus.

Geat sáhttet ohcat?

FeFo šiehttá ovttasbarggu oasálaččaiguin geain lea konseapta mii fátmmasta olles Finnmárkku.

Ovddemusat berrejit dahkkojuvvot máŋggajahkásaš šiehtadusat.

Gos mun ozan?

Ohcanskovvi. 

Áššemeannudeapmi

Áššegieđahallan dahkkojuvvo čálalaččat ohcamušaid vuođul.

Ohcamušas galgá čilget leago ohccojuvvon doarjja eará ruhtadangálduin.

Máŋggajahkásaš ovttasbargošiehtadusaid ja šiehtadusaid sponsemis/doarjagiin mat leat stuorát go 50.000 kruvnnu, mearrida stivra.

Eará ohcamušaid mearrida direktevra. Ii leat makkárge váidalanvejolašvuohta mearrádusa hárrái.

Máksojupmi

Máksojupmi dáhpáhuvvá čálalaš bivdaga vuođul.

FeFo sáhttá dollet osiid juolluduvvon doarjagis dassážiigo doaibmabidju lea čađahuvvon.

Reviderejuvvon rehketdoallu ja raporta galgá ovdanbuktojuvvot go FeFo sihtá.