– Boađus lea 1,7 miljovnna ruvnno unnit go 2024:s, muhto mii leat hui duhtavaččat dáinna badjelbáhcagiin. Dat addá midjiide vejolašvuođa joatkit Finnmárkku valljodagaid hálddašeami fylkka
ássiide buorrin, dadjá direktevra Tom Mikalsen.

Alit sisaboahtu bivdo- ja guolástangoarttaid vuovdimis lea positiivvalaččat váikkuhan bohtosii.Smávvafuođđobivddu dietnasat ledje 1 miljon ruvnnu eanet go bušeterejuvvon, ja oaggunkoartavuovdin Leavnnjajogas ja jogain mat eai lean lihttoláigohuvvon adde dietnasiid 0,8 miljon ruvnnu eanet go
bušeterejuvvon.
- Dat ahte ain lea buorre rievssatsállašat ollu sajiin ja ahte ruoššaluosat eai vahágahte luossabivddu nu bearehaga, čilge olu das go lea nu buorre boađus meahcceossodagas, joatká Mikalsen.

FeFo oaččui 4,2 miljovnna ruvnno buhtadussan luobahit eatnama hukset 420 kV-linnjái Skáiddis Hámmárfestii ja 1,2 miljovnna areálaluobaheamis geaidnoprošektii Silisávžžis. Vuollegis doaibmagolut ja positiiva ruđalaš dietnasat vaikkuhedje maiddái badjebázagii. Opmodaga dietnasat ledje sullii nugo bušeterejuvvon ja ledje 36,9 miljovnna ruvnno. Ođasmuvvi energiija, mineráladoaimmat ja eará ealáhusdoaimmat leat ain mávssolaččat FeFo dietnasiidda, muhto vuollegis fápmohattit dagahedje ahte
dietnasat oktiibuot ledje 0,4 miljovnna ruvnno unnit go bušeterejuvvon. FeFo ollislaš sisaboahtu lei 96,7miljovnna ruvnno 2025:s.

2025:s leat mii juolludan 6,7 miljovnna ruvnnuid iešguđetlágan servodatberošteaddji áigumušaide. Giisá-ortnegiid bokte lea addojuvvon doarjja joavkkuide ja servviide, servodat- ja kulturáigumušaide ja doaibmabijuide mat galget seailluhit árbedieđu.

Dasa lassin leat mii dorjon ollu eaŋkilprošeavttaid, earret eará Finnmarksløpet, Offroad Finnmark, Fotballkretsen áŋgiruššama "Lys mellom husan" ja eallindiliguorahallama SAMINOR.

FeFo lea ieš ruhtadan doaibma ja ii oaččo stáhtalaš doaibmadoarjagiid. Gustovaš njuolggadusaid mielde galgá FeFos álo leat iežaskapitála mii sihkkarastá sullii jagi doaimma. Badjebáza lea mielde bisuheamen ekonomiija stáđisin, mii fas dagaha ahte mii nákcet ollašuhttit iežamet servodatdoaimmaid.

Jagi 2026 áigut maid geahčadit lagabuidda movt boahtteáiggi badjebáhcagat galget geavahuvvot. Dát šaddá fáddán sátnejođiheaddjikonferánsas čakčamánus ja oktavuohtačoahkkimis Sámedikkiin ja fylkkasuohkaniin. Mihttomearrin lea sihkkarastit ahte Finnmárkku eatnama ja resurssaid árvvut bohtet fylkka ássiide buorrin buoremus lági mielde.