Dál lea FeFo stivra mearridan addit 1 miljon ruvnno veahkkin hukset fas aktivitehtafálaldagaid main báikeseervodat lea sorjavaš. Mearrádus lea vuođđuduvvon guovtti ohcamii mat meannuduvvojedje čoahkkimis: 500 000 ru. reaidduid oastit guoskevaš servviide ja 500 000 ru. ođđa vallistanhállii Girkonjárggas.
- Lea hui surgadis ášši, ja mun oaivvildan ahte mii galgat searvat dákkár earenoamáš
dilálašvuođain ja doarjut eaktodáhtolaččaid ja valáštallama, lohká FeFo stivrrajođijheaddji Øyvind Lindbäck.
Earenoamáš mearrádus: doarjja reaidduide ja ođđa hállii
Go stivra meannudii ášši ođđajagimánu 22. beaivvi, de ledje guokte ohcama beavddi alde.
Doarjja reaidduide
Doarjjaohcan reaidduide bođii Girkonjárgga Atletklubbas, Girkonjárgga Badmintonklubbas, KIF Håndballas ja Girkonjárgga Turnforeningas, mat ovttastahtte fámuid maŋŋel buollima. Ohcamusaš lei sáhka molsut ja/dahje divvut reaidduid mat ledje buollimis. Reaidduid maid vurkkejedje fjellhállas, lea sanerenfitnodat árvvoštallan láhppon, ja searvvit dieđihit ahte sis ii lean dáhkádus.
Searvvit aktiverejit oktiibuot sullii 300 máná Mátta-Várjjagis.
- Juohke hárjehallama duohken lea olu «oaidnemeahttun infrastruktuvra» nu go máttát, apparáhtat ja smávva rusttegat. Dan haga doaibma bisána. Doarjja lea veahkkin dasa ahte eaktodáhtolašvuohta joatká, mii juo dál dahká issoras buori barggu mánáid ektui Girkonjárggas, dadjá Øyvind Lindbäck, FeFo stivrajođiheaddji.
Ođđa ođđaáigásaš vuođđohálla mii lokte Girkonjárgga
Girkonjárgga Turnforening ozai doarjaga hukset vuođđohálla bissovaš čoavddusin maŋŋá buollima. Girkonjárgga Turnforening lea giitevaš doarjaga ovddas ja deattuha maid dat mearkkaša gáibideaddji áigodagas:
- Maŋŋil hui lossa áiggi lei dát duođai stuora ođas midjiide! Mii mojohallat. Dat váikkuha sihke unnoraččaide ja ollesolbmuide - muosáhit servodaga mii čoahkkana falástallama ja mánáid birra Mátta-Várjjagis. Sáhttá gal dáhpáhuvvat ahte lea váttis, muhto dál mii fas čuožžilit, giitu FeFo:i ja eará doarjjaaddiide, lohká Girkonjárgga turnasearvi.
Ođđa plánejuvvon vuođđohálla lea plastihkkahálla mas lea guhkes eallináigi (30+ jagi), ja šaddá erenoamáš deaŧalaš turnii, muhto galgá maid sáhttit geavahuvvot eará falástallamiin ja máŋggabealat vuođđohárjehallamii.
Ii presedeansa - muhto čielga signála
FeFo stivra deattuha ahte dát lea erenoamáš ášši, mii meannuduvvo olggobealde dábálaš bušeahttaproseassa. Dát lea sihke vahága sturrodaga geažil ja go dát lea čuohcan garrasit ássiide, erenoamážit mánáide ja nuoraide Mátta-Várjjagis.
Mii eat galggá stajidit, muhto maiddái mielde og dat duođaid lea dehálaš. Dáppe ledje máŋga valáštallansearvvi ovttas dan áššis masa lea hoahppu, ja váikkuhusat čuhce olles báikkálaš servodahkii, dadjá Øyvind Lindbäck, FeFo stivrajođiheaddji.
Faktadieđut (oanádus)
• Buollin Fjellhallenis: skábmamánu 23. b. 2025
• FeFo stivrra mearrádus: ođđajagimánu 22. b 2026 (earenoamaš stivraášši)
• Doarjja: 500 000 ru reaidduid oastimii ja 500 000 ru vuođđohállii
• Ohcan reaidduide: Girkonjárgga Atletklubb, Girkonjárgga Badmintonklubb, KIF Håndball, Girkonjárgga Turnforening
• Ohcamuš hállii: Girkonjárgga Turnforening