Dáinna mearrádusain lea FeFo váldooasálaš prošeavttas. Dát áŋgiruššan boahtá buori ovttasbarggu dihte Finnmárkku spábbačiekčanbiirriin, mii lea juo addán buriid bohtosiid miehta fylkka. Prošeakta čájeha man olu valáštallan sáhttá mearkkašit báikegottiide Finnmárkkus.

– Jus mii háliidit servodatovdáneami Finnmárkkus, de mii fertet doarjut, investeret ja bargat dan ovdii dál. Dálá álbmothástalusaiguin lea beare maŋŋit go olbmot leat juo fárren, dadjá FeFo stivrajođiheaddji Thomas Arild Mølmann.

Barget viidáset buori bargguin

Ovttas Finnmárkku spábbačiekčanbiirriin leat mii leamaš mielde sihke «Jakten på bolyst» ja «Lys mellom husan» prošeavttain. Dáinna bargguin lea spábbačiekčábiire: 

• lokten orrunmiela ja ássanmovttá olles fylkkas
• fátmmastan buot suohkaniid Finnmárkus
• geavahan spábbačiekčama doalahit ja čatnat oktavuođaid, fierpmádaga, ja čeavláivuođa
   

Mii-Met-Vi joatká dáinna dehálaš bargguin. Prošeavttas leat ođđa guovddášsuorggit, seamma váldojurdagiin: geavahit valáštallama ja fierpmádaga nanusmahttit guovddášservodaga olles Finnmárkkus.

– Mii leat hui rámis go dál leat váldooasálaččat Mii-Met-Vi prošeavttas. Finnmárkku spábbačiekčanbiire lea guhkit áiggi badjel čájehan mo valáštallan sáhttá geavahuvvot nannet oktavuođaid, orrunmovtta ja ássanmovtta olles fylkkas. Mii háliidit leat mielde ovddideame dán, dadjá Katharina Messy, servodatoktavuohta FeFos.

Prošeakta mas lea spábbačiekčan, servodat ja gullevašvuohta

Mii-Met-Mii atna spábbačiekčama sisaboahtin dakkár áššái mii lea stuorit: servodathuksen, fátmmasteapmi ja boahtteáiggedoaivva nuoraide ja rávisolbmuide miehtá fylkka.
Finnmárkku Spábbačiekčanbiire lea ovddidan ja eaiggáda prošeavtta. Mii searvat váldoguoibmin doarjut barggu mii:

• čohkke suohkaniid, servviid ja eaktodáhtolašvuođa
• ráhkadit deaivvadanbáikkiid gielaid, kultuvrraid ja duogáža rastá
• lokte oidnosii dan mii duođaid doaibmá báikkálaš servodagain
   

Mii illudit ovttasbargat prošeaktajođiheddjiiguin Ida Grubben, Roger Finjord ja buot Finnmárkku Spábbačiekčanbiirre čeahpes bargiiguin. 

Manne mii šaddat váldoguoibmin?

Mii searvat Mii-Met-Vi danin go prošeakta deaiva njuolga min servodatdoibmii. 

• bargu čađahuvvo gielddain, ovttas báikkálaš aktevrraiguin
• luondu, kultuvra ja gullevašvuohta leat čađa gaskka
• sámi, kvena ja dáža kultuvra leat bálddalaga

Eanaeaiggádin ja servodatoassálastin Finnmárkkus lea mis čielga ovddasvástádus: Luonddu hálddašeapmi galgá dagahit ealli guovddášservodagaid, ii dušše báhpiriid alde, muhto olbmuid beaivválaš eallimis. 

– Mii-Met-Vi addá midjiide vejolašvuođa čatnat luonddu, kultuvrra ja hálddašeami stuora prošektii mas lea juo olu luohttámuš olles fylkkas. Mii leat hui rámis go beassat das leat mielde, dadjá  Katharina Messy.