Mikalsen lea gielddasuorggi organisašuvnna Davvi-Norga guovlludirektevra, KS. Son lea stádadiehtti UiT:s ja lea leamaš leutnánta Áibmosuodjalusas. Son lea ovdal leamaš johtolathoavda (2002 - 2006) ja fylkkaráđđeolmmái (2006 - 2011) Finnmárkku fylkkagielddas.

- Mis ledje máŋga buori kandidáhta ja mii oaivvildit ahte son lea rievttes olmmoš buoremus lági mielde bargat Finnmárkku ja FeFo ovddas, dadjá stivrajođiheaddji Kurt Pasvikbamsen Wikan.

Oktiibuot 14:s ohce virgái FeFo ođđa direktevran maŋŋil Jan Olli, geas lea leamaš virgi 2012 rájes.

Tom Mikalsen álgá ođđa virgái cuoŋománu 2. b. 2024:s ja son illuda oahpásmuvvat buorebut organisašuvnnain.

- Mun loavttán Finnmárkkus, ja virgi lea hui gelddolaš. Mu eamit, gii lea Porsáŋggus eret, lea maid fidnen barggu Leavnnjas. Munno golbma máná leat šaddan stuorrát ja birgejit ieža. Danin heivii ge guktuide bures fárret Porsáŋgui dál, lohká Mikalsen.

Son liiko olgun meahcis, leš dal geassi dahje dálvi. Vaikko son ii čuoččut iežas leat miige stuorát guolásteddjiid, de váldá áinnas mielde oaggunstákku.

Mikalsen lea Romssas eret ja son dovdá sámi kultuvrra earret eará su gullevašvuođa dihte Olmmáivággái Davvi-Romssas.

- Mun lean maiddái bargan iešguđetlágan sámi áššiiguin sihke Finnmárkku fylkkagielddas ja KS:s. FeFos lea ovddasvástádus olles Finnmárkku sámi kultuvrras. Mun manan bargui vuollegašvuođain ja dainna sihkarvuođain ahte mii maiddái galgat áimmahušat buohkaid beroštumiid Finnmárkkus.

FeFo eaiggáduššá sullii 95 proseantta Finnmárkkus, lea ieš ruhtaduvvon ja demokratiija Finnmárkkus(Sámediggi ja Finnmárkku fylkkagielda)lea FeFo oamasteaddji. Hálddašeapmi lea vuođđuduvvon Finnmárkkuláhkii ja čađahuvvo ovttasráđiid Finnmárkku gielddaiguin ja geavaheaddjiorganisašuvnnaiguin. Badjebáza manná servodatávkkálaš doaibmabijuide fylkkas.

Váldokantuvra lea Leavnnjas, ja vuollásaš kantuvrrat leat Álttás ja Čáhcesullos. Oktiibuot leat FeFo:s 41 bargi.

Jearahallan:

Tom Mikalsen
Tlf:  92 82 94 65