Unnit ruhta go ovdal? Nu lea máŋgasiiguin dal.
Lihkus leat Finnmárkkus eambbo nuvttáfálaldagat go eará báikkiin. Erenoamážit dutnje gii orut dáppe.
Gávcci rabasbartta
FeFos leat gávcci rabas bartta Mátta-Várjjagis, Kárášjogas ja Porsáŋggus.
Barttain lea muorrauvdna ja leat eaŋkilit hábmejuvvon. Muhtin barttain lea maiddái gássauvdna. Mii doalvut boaldinmuoraid ja gása barttaide dálvet, muitala FeFo bartaovddasvástideaddji Kate Persen.
Báhčaveajis leat mis guhtta rabas bartta: Føllvannskoia, Holmenkoia, Høvasskoia, Lerkevannskoia, Saimikoia og Vestkoia.
Lea vuogas beaivevázzinmátki gaskal barttaid, dadjá Persen.
Kárášjogas lea Andreas Nilsen bartta Anárjogas, ja Porsáŋggus ges lea Skogvokterhytta Rohčis.
Loga eambbo barttaid birra dás.
Nuvttáoaggun
Sihke stáda ja eará eanaeaiggádat eatnamiin ferte oastit oaggunkoartta jus áigu bivdit rávddu, dápmoha dahje eará guliid.
Finnmárkku ássit eai dárbbaš máksit. 60 000 jávrrit leat rabas birra jándora jus háliidat oaggut, muitala FeFo meahcceossodaga jođiheaddji, Einar J. Asbjørnsen.
Muhto mii ávžžuhat luvvet nuvttá oaggunkoartta ja dieđihit bivddu, vai mis lea buorre vuođđu go galgat hálddašit guolástanresurssaid buriin buohkaide geat dál ássat dáppe ja min maŋisboahttiide.
Loga eambbo sáivaguolásteami birra dás
Eai leat bummaruđat
Norggas sáhttá eanaeaiggádat gáibidit bummaruđaid go jođát meahcis.
Lea nuvttá vánddardit Finnmárkkuopmodagas.
Ii oktage sáhtte váldit mávssu du luondduvásáhusas, ja mii geahččalit láhčit nu ahte luondu lea olámuttus buohkaide. Doppe gos leat doaimmat, mii bajásdoallat luottaid ieš, dahje ovttas earáiguin, dadjá Persen.
Oza doarjaga du doaimmaide
Stáhtaeatnamis manná luondduhálddašeami badjebáza stádii, ja priváhtaeatnamiin fas investoriidda ja priváhta olbmuide.
Finnmárkkulága mielde galgá dat mannat servodat ávkkálaš doaimmaide Finnmárkkus.
Mis lea doarjjaortnet Giisá. Buot searvvit Finnmárkkus sáhttet ohcat das doarjaga. Diibmá jugiimet Finnmárkulaččaide 3,2 millijovnna ruvnno. Mun ávžžuhan ohcat ruoná ruhtadeamis, gos ulbmil lea luonddu geavaheapmi, doarjaga loahpaha FeFo kommunikašuvdna ja servodatossodaga jođiheaddji Robert Greiner.
Loga eambbo FeFo giissá birra
Buorre tuvra Finnmárkkuopmodagas!